Showing posts with label घटना परिघटना. Show all posts
Showing posts with label घटना परिघटना. Show all posts

Wednesday, August 26

घटना भएको १९ दिनपछि सिंह परिवारले ३० लाख तिर्‍यो

भोटाहिटीमा  ६ जनाको ज्यान जानेगरी कार दुर्घटना गराएका काठमाडौं खिचापोखरीका विप्लवमान सिंह डंगोलको परिवारले ३० लाख रुपैयाँ क्षतिपूर्ति तिरेको छ । घटना भएको १९ दिनपछि सिंह परिवारले काठमाडौंका प्रमुख जिल्ला अधिकारीको रोहबरमा दुर्घटनामा मारिएका ६ जनाको परिवारलाई प्रतिपरिवार पाँच लाख रुपैयाँका दरले क्षतिपूर्ति तिरेको हो ।
भदौको पहिलो साता नै क्षतिपूर्तिको विषयमा सहमति भए पनि सिंह परिवारले क्षतिपूर्तिबापतको रकम दिन आनाकानी गरिरहेको थियो । पीडित परिवारले क्षतिपूर्ति दिन ढिलाइ भएको गुनासो गरेपछि सहमतिअनुसारको रकम दिलाउन प्रहरीले ताकेता गरेको थियो । सोमबार मध्याह्न विप्लवमानका दाजु सञ्जयमानसिंह जिल्ला प्रशासन कार्यालय काठमाडौं पुगेर पीडित परिवारलाई रकम बुझाएका हुन् ।
२० साउन राति १२:४५ मा भोटाहिटीमा भएको दुर्घटनामा पाँचजना भारतीय र एक नेपालीको मृत्यु भएको थियो । १५ वर्षीय किशोरलाई झाडापखाला लागेपछि वीर अस्पतालको 'इमर्जेन्सी'मा उपचार गराएर र्फकंदै गरेका भारत कसवामेहसरीका ५० वर्षीय धर्मनाथ सिन्हा, भारत सीतामढी घर भई काठमाडौं बांगेमुढा बस्ने २९ वर्षीय मदन गुप्ता, १५ वर्षीय सञ्जीव गुप्ता, ४० वर्षीया कृष्णादेवी र भारत मोतीहारी घर भई काठमाडौं कमलादी बस्ने ४६ वर्षीया विना सिंहको मृत्यु भएको थियो । दुर्घटनामा सिन्धुपाल्चोकका १७ वर्षीय सुजन श्रेष्ठको पनि मृत्यु भएको थियो । दुर्घटनामा घाइते भारत घर भई काठमाडौं बांगेमुढा बस्ने २८ वर्षीय दीपक गुप्ता उपचारपछि घर फर्किएका छन् ।
सिंहका परिवारले घाइते गुप्ताको बाँसबारी न्युरो अस्पतालमा उपचार गर्दा लागेको खर्च करिब तीन लाख ५० हजारसहित अन्य समस्या आएमा पुनः उपचार गराउने कागजमा हस्ताक्षर गरेको छ । दुर्घटना गराउने २१ वर्षीय विप्लवमान काठमाडौं परिसरको हिरासतमा छन् । उनीविरुद्ध मृतकका परिवारले लापरबाहीका साथ सवारी चलाएर हत्या गरेको भन्दै उजुरी दिएका छन् । प्रहरीले पनि उनीमाथि लापरबाहीका साथ सवारी चलाएर हत्या गरेको अभियोग लगाएर कर्तव्य ज्यानमुद्दा चलाउने तयारी गरेको छ । काठमाडौं परिसरका एसपी नवराज सिलवालले भने, 'घटना लापरवाहीले भएको देखिएकाले उनीमाथि कर्तव्य ज्यानसम्बन्धी मुद्दा चलाउँछौँ ।'


-नयाँ पत्रिका


बाँकी अंश.....

Wednesday, August 12

नेपाली कांग्रेस पार्टी कार्यलयमा बम बिस्फोटः

ललितपुरको एकान्तकुनास्थित बागमती अञ्चल यातायात कार्यालयमा
मङ्गलबार राखिएको टाइम बम सुरक्षाकर्मीद्वारा निष्क्रिय बनाइँदै ।

काठमाण्डौं, मंगलबार
सानेपामा अवस्थित नेपाली कांग्रेस पार्टीको केन्द्रिय् कार्यालयमा अपराह्न बम बिष्फोट भएको छ । बम बिष्फोटबाट पार्टी कार्यालयमा सामान्य क्षति भएको छ । त्यस्तै यातायात व्यवस्था कार्यालय एकान्तकुनाको मुख्य प्रवेशद्वारको दाँयातर्फ झेालाभित्र राखिएको शक्तिशाली 'टाइम' बम नेपाल प्रहरी र सशस्त्र प्रहरीको प्राविधिक टोलीले डिस्पोज गरेको छ ।
सरकारले सुरक्षास्थिति सुदृढ पार्न विशेष सुरक्षा रणनीति लागू गर्ने तयारी गरिरहेका बेला सत्तारूढ पार्टीको कार्यालयमा विस्फोट भएको हो । विस्फोट लगतै नेपाल डिफेन्स आर्मीले घटनाको जिम्मेबारी लिएको छ । कार्यालयको भुइँ तलास्थित बैठक कक्षभित्र विस्फोट भएको थियो । विस्फोटबाट भवनको भित्ता चर्किएको छ । झ्यालका सिसा, कुर्सी, सोफा क्षतविक्षत भएका छन् ।

'घर हल्लिने गरी आवाज आयो, भवन निर्माण भइरहेकाले एकैछिन् त माथिबाट केही खस्यो कि जस्तो लाग्यो । तर कालो मुस्लो धूवाँ निस्केपछि भने धन्य बाँचिएछ जस्तो भयो,' घटना सुनाउँदै छेउकै कोठामा बसेका कार्यालय सहसचिव केशव रिजाल भने, 'सधैँ व्यस्त हुने बैठक कोठामा विस्फोटका बेला भने कोही नभएकाले अपि्रय देख्न परेन ।'

मुख्य सचिव रामचन्द्र पोखरेलले अर्कै कोठामा कार्यकर्तासँग छलफलमा व्यस्त थिए । 'सधैंजसो त्यही कोठामा बैठक हुने गर्दथ्यो, आज कार्यकर्ता थोरै भएकाले माथि नै बसेका थियौं,' पोखरेलले भने, बम विस्फोट गराइएको बैठक कक्षा अत्यन्त व्यस्त हुनेगर्छ ।' प्रत्यक्षदर्शीका अनुसार साइकलबाट आएको तराई मूलका जस्तो देखिने 'कालो वर्णको अन्दाजी २२/२३ वर्षको कालो झोला बोकेर भित्र पसेको थियो, त्यस लगतै विस्फोट भयो ।' झोला बोक्ने उक्त युवक साइकल चढेर बाहिरिएको केही क्षण मै विस्फोट भएको थियो ।
घटनालगत्तै सशस्त्र, जनपद र राष्ट्रिय अनुसन्धानका प्रमुख कांग्रेस कार्यालय पुगेका थिए । प्रहरी महानिरीक्षक रमेशचन्द ठकुरीले प्रेसर कुकर बम रहेको बताए । विस्फोट भएको कुकरमा डिफेन्स आर्मीका कमान्डर आर.पी. मैनाली भनेर लेखिएको नेपाल डिफेन्स आर्मी नामक संस्थाको आधा जलेको पर्चासमेत बरामद भएको छ ।
कांग्रेस कार्यवाहक सभापति सुशील कोइराला, संसदीय दलका नेता रामचन्द्र पौडेल, रामशरण महतलगत्तै कार्यालय पुगेका थिए ।


बम विस्फोटको निन्दा

नेपाली काङ्ग्रेसको केन्द्रीय कार्यालयमा गराइएको बम विस्फोटको घटनाप्रति विभिन्न राजनीतिक दलका नेताहरूले निन्दा र भत्र्सना गर्नुभएको छ । उहाँहरूले यस घटनालाई ऐतिहासिक परिवर्तनको क्रमलाई व्यवधान गर्न र लोकतन्त्रमाथिको हमलाका रुपमा लिनुपर्ने धारणा पनि व्यक्त गर्नुभएको छ ।

प्रमुख प्रतिपक्षी दल एकीकृत नेकपा -माओवादी)का प्रवक्ता दीनानाथ शर्माले घटना कायरतापूर्ण, दुखद र निन्दनीय कार्य हो भन्दै माओवादीले यस्ता घटनाको घोर विरोध र भत्र्सना गर्छ भन्नुभयो ।

सरकारले घटनामा संलग्न अपराधीलाई पक्रिएर कडाभन्दा कडा कारबाही गर्नुपर्छ भन्दै प्रवक्ता शर्मालेसबै दलका कार्यालय सुरक्षित हुने वातावरण बनाउन सरकारसँग आग्रह पनि गर्नुभयो ।

नेकपा -एमाले)का महासचिव ईश्वर पोखरेलले सङ्क्षिप्त प्रतिक्रिया दिँदै भन्नुभयो- घटना निन्दनीय हो र गृह प्रशासनले छानबिन गरेर संलग्नलाई कारबाही गर्नुपर्छ ।

मधेसी जनअधिकार फोरम, नेपाल -लोकतान्त्रिक)का नेता जीतेन्द्र देवले घटनाको भत्र्सना गर्दै लोकतन्त्रमाथिको हमलाको रुपमा लिन्छौँ भन्नुभयो ।

यसैगरी, नेकपा -माले)का महासचिव सी.पी. मैनालीले ऐतिहासिक परिवर्तनलाई व्यवधान पुर्‍याउन यस्तो कायरतापूर्ण कार्य गराइएको टिप्पणी गर्नुभयो ।


बाँकी अंश.....

Sunday, August 9


दुई वर्षअघि लागूऔषध खैरो हेरोइनसहित पक्राउ २. एक महिनाअघि खुकुरी-प्रहार तथा प्रहरीमाथि हातपात गरेको अभियोगमा पक्राउ ३. गत मंगलबार राति रक्सीले मातेर दुर्घटना गराउँदा ६ जनाको मृत्यु भएपछि पक्राउ

एउटा कारले एकैपटक ६ जनाको ज्यान लिएको घटना काठमाडौंका लागि पहिलो हो । तर, कारचालक विप्लवमानसिंह डंगोल हिरासतमा परेको पहिलोपटक होइन । लागूऔषध कारोबार, खुकुरी-प्रहार र प्रहरीमाथि दुव्र्यवहारको अभियोगमा उनी यसअघि पनि दुईपटक पक्राउ परेको खुलासा भएको छ ।
जथाभावी गाडी चलाएर दुर्घटना गराएको अभियोगमा महानगरीय प्रहरी परिसर काठमाडौंको हिरासतमा रहेका विप्लवमान दुई वर्षअगाडि खैरो हेरोइनसहित पक्राउ परेका थिए । त्यस्तै एक महिनाअगाडि पाटनमा खुकुरी हानेको अभियोगमा उनी पक्राउ परेका थिए । प्रहरी परिसर काठमाडौंका प्रमुख नवराज सिलवालका अनुसार यी दुवै अभियोगमा उनीमाथि मुद्दा चलिरहेको छ ।
०६४ मा लागूऔषध मुद्दामा उनी २० हजार धरौटीमा रिहा भएका हुन् । यो मुद्दाको फैसला नहुँदै गत असार १६ मा पाटनका युवाहरूसँग झगडा परेपछि उनले खुकुरी हानेका थिए । त्यतिमात्र होइन, पक्राउ गर्न गएका प्रहरीलाई पनि हातपात गरेपछि लागेको सार्वजनिक अपराधको अभियोगमा उनी जिल्ला प्रशासन कार्यालय ललितपुरबाट २८ हजार धरौटीमा रिहा भएका थिए । रिहा भएको दुई महिना नपुग्दै १९ गते मध्यराति मदिरा खाएर लठ्ठ भएर कार चलाएका उनले भोटाहिटीको अन्डरग्राउन्ड सब-वेनजिक पेटीमा हिँडिरहेका सातजनालाई कारले हानेका थिए । दुर्घटनामा पाँच भारतीय नागरिक र एक नेपालीको मृत्यु भएको छ भने एक भारतीय नागरिक गम्भीर घाइते छन् ।
दुर्घटना हुँदा विप्लवसँगै कारमा रहेका तीनजनामध्ये सोजी श्रेष्ठ शनिबार प्रहरी परिसर काठमाडौं आएर बयान दिएका छन् । दुर्घटनाको समयमा उनी विप्लवसँगै कारको अगाडिको सिटमा बसेका थिए । उनले पनि बयानमा मोटरसाइकललाई ओभरटेक गर्ने प्रयास गर्दा दुर्घटना भएको बताएका छन् ।
दुर्घटनाको समयमा विप्लवसँगै कारमा सोजीका साथै काठमाडौं क्षेत्रपाटी घर भएका शेखर अग्रवाल र बेंग्लोर घर भई अहिले काठमाडौं आएका अभिजित रहेको डंगोलले बयान दिएका थिए । प्रहरीले अन्य व्यक्तिहरूलाई समेत बयानका लागि प्रहरी कार्यालयमा बोलाएको छ । तर, उनीहरू उपस्थित भएका छैनन् ।
दुर्घटनामा भारत कसवामेहसरी घर भएका ५० वर्षीय धर्मनाथ सिन्हा, भारत सीतामढी घर भई काठमाडौं बांगेमुढा बस्ने २९ वषर्ीय मदन गुप्ता, १५ वर्षीय सञ्जीव गुप्ता, ४० वर्षीय कृष्णादेवी, भारत मोतिहारी घर भई काठमाडौं कमलादी बस्ने ४६ वर्षीया विना सिंह र १७ वर्षीय सुजन श्रेष्ठको मृत्यु भएको छ । भारत घर भई काठमाडौं बांगेमुढा बस्ने २८ वर्षीय दीपक गुप्ता दुर्घटनामा गम्भीर घाइते भएका छन् । उनको न्यूरो अस्पताल बाँसबारीमा उपचार भइरहेको छ ।
मंगलबार राति जन्मदिन मनाउने क्रममा खिचापोखरीस्थित घरमै साथीहरूसँग हि्वस्की खाएर अर्धचेत भएको वेला २० वर्षीय डंगोलले आमाको कार लिएर घरबाट बाहिरिएको केहीबेरमै भोटाहिटीमा दुर्घटना गराएका थिए ।
दुर्घटनालगत्तै फरार भएका उनले बुधबार मध्यरात ११ बजे प्रहरी परिसर काठमाडौंको टोलीसँग आत्मसर्मपण गरेका थिए । डंगोललाई अनुसन्धानका लागि प्रहरीले काठमाडौं जिल्ला अदालतबाट सातदिने म्याद लिएर हनुमानढोका हिरासतमा राखेको छ ।


बाँकी अंश.....

Friday, August 7



काठमाडौं, २२ साउन

साउन २० मा २०औं जन्मदिन मनाउन अत्यधिक मदिरा सेवन गरेका विप्लवमानसिंह डंगोलले ६ जनाको ज्यान जाने दुर्घटना गराएको स्विकारेका छन् । मंगलबार राति दुर्घटना गराएर फरार रहेका २० वर्षीय विप्लवमानले बुधबार मध्यरातमा आत्मसमर्पण गरेका छन् ।

प्रहरीले दाजु सञ्जयमानलाई नियन्त्रणमा राखेपछि भाइ विप्लवमान सम्पर्कमा आएका थिए । उनका बाबु र दाजु पक्राउ परेलगत्तै दुवैले विप्लवलाई आत्मसमर्पण गराउने वाचा गरे पनि बुधबार मध्यरातसम्म उनको अत्तोपत्तो थिएन । तर, प्रहरीले आत्मसमर्पण गर्न पटक-पटक चेतावनी दिएपछि मात्र उनले आफू ढल्कोमा एक साथीको घरमा बसेको जानकारी दिएका थिए ।

विप्लव साथीको घरबाट खिचापोखरीस्थित आफ्नो घरमा आएलगत्तै महानगरीय प्रहरी परिसरको टोलीले उनलाई पक्राउ गरेको थियो । मंगलबार बेलुका १२:४५ मा भएको दुर्घटनामा ६ जना पैदलयात्रीको ज्यान गयो, कार कच्याककुचुक भयो, तर चालक विप्लव सकुशलै छन् । उनको हात र काँधमा हल्का चोट मात्र लागेको छ ।

मंगलबार बेलुका भएको दुर्घटनामा पाँचजना भारतीय नागरिक र एक नेपालीको मृत्यु भएको थियो । घटनामा भारत कसवामेहसरी घर भएका ५० वर्षीय धर्मनाथ सिन्हा, भारत सीतामढी घर भई काठमाडौं बांगेमुढा बस्ने २९ वर्षीय मदन गुप्ता, १५ वर्षीय सञ्जीव गुप्ता, ४० वर्षीया कृष्णादेवी, भारत मोतिहारी घर भई काठमाडौं कमलादी बस्ने ४६ वर्षीया विना सिंह र १७ वर्षीय सुजन श्रेष्ठको मृत्यु भएको छ । भारत घर भई काठमाडौं बांगेमुढा बस्ने २८ वर्षीय दीपक गुप्ता दुर्घटनामा गम्भीर घाइते भएका छन् । उनको न्यूरो अस्पताल बाँसबारीमा उपचार भइरहेको छ ।

विप्लव आफैंले गाडी चलाएको स्विकार्दै मोटरसाइकल ओभरटेक गर्ने प्रयास गर्दा दुर्घटना भएको काठमाडौं प्रहरी परिसरका प्रमुख एसपी नवराज सिलवालले बताए । सिलवालका अनुसार २० गते विप्लवले २०औं वर्ष टेकेका हुन् । सो दिन उनको घरमा भएको पार्टीपछि तीनजना साथीलाई घर छोड्न जानेक्रममा मोटरसाइकललाई ओभरटेक गर्ने प्रयास गर्दा दुर्घटना भएको विप्लवले बताएका छन् ।

विप्लवका अनुसार दुर्घटनाको समयमा कारमा उनीसहित चारजना चढेका थिए । दुर्घटना भएलगत्तै उनी कारबाट निस्किएर ट्याक्सीमा चढेर ढल्कोमा रहेको साथीको घरमा गएको बताएका छन् ।

प्रहरीले दुर्घटनास्थलको प्रकृति र कारको अवस्थाको आधारमा चालकले अत्यधिक मदिरा सेवन गरेको निष्कर्ष निकाले पनि विप्लवले भने आफूले एक गिलास हि्वस्की मात्र खाएको दाबी गरेका छन् । तर, प्रहरीले उनको दाबीको विश्वास गरेको छैन ।

विप्लव अन्य नसालु पदार्थमा समेत फसेका छन् कि भनेर प्रहरीले उनीसित सोधपुछ गर्दा आफूले चुरोट मात्र खाने गरेको बताएको एक प्रहरीले भने । उनका परिवारले विप्लव डिस्को र क्यासिनोको लतमा फसेको जानकारी प्रहरीलाई दिएका थिए ।

दुर्घटनाको समयमा कारमा रहेका विप्लवका अन्य साथीहरूसँग जानकारी लिने प्रयास गरे पनि प्रहरी सफल भएको छैन । एसपी सिलवालले भने, 'उनका अन्य साथीहरूसँग पनि घटनाको बारेमा बुझ्ने प्रयास गरिरहेका छौँ । सम्पर्क भए पनि अहिलेसम्म उनीहरू प्रहरी कार्यालयमा आएका छैनन् ।'

कारचालक विप्लव नै भएको पुष्टि भए पनि उनीसँग सवारीचालक अनुमतिपत्र भए-नभएको पुष्टि गर्न प्रहरीले सकेको छैन । विप्लव पक्राउ परे पनि उनीबाट प्रहरीले सवारीचालक अनुमतिपत्र फेला पार्न सकेको छैन । सिलवालले यसबारेमा अनुसन्धान गरिरहेको मात्र बताएका छन् ।

घटनाको प्रारम्भिक अनुसन्धान मात्र सुरु भएकाले विप्लवमाथि कर्तव्यज्यानअनुसार मुद्दा अगाडि बढाउने कि सवारी दुर्घटनामा भन्नेसमेत तय भइसकेको छैन । मृतकका आफन्तहरूले पेटीमा हिँडिरहेकाहरूको मृत्यु भएकाले हत्या गर्ने नियत देखिएको दाबी गर्दै कर्तव्यज्यानमा मुद्दा चलाउन माग गरिरहेका छन् ।
विप्लवलाई सार्वजनिक गर्ने चाल पाएर प्रहरी परिसर हनुमानढोकाबाहिर भेला भएका पीडितका आफन्तहरूले विप्लवसँगै कारमा सवार अन्य व्यक्तिहरूलाई समेत पक्राउ गरी अनुसन्धान गर्नुपर्ने माग गर्दै केही समय नाराबाजी गरेका थिए । उनीहरूले घटनाका दोषीलाई मृत्युदण्ड दिनुपर्ने मागसमेत
गरेका थिए ।

मृतकका परिवारमध्ये १५ वषर्ीय सञ्जीव गुप्ता र सुजन श्रेष्ठका आफन्तले मात्र किटानी जाहेरी दिएका छन् । अन्य मृतकका परिवारबाट किटानी जाहेरी नआएकाले मृतकहरूको सनाखत भए पनि दाहसंस्कार भने हुन सकेको छैन । ६ मृतकको शव शिक्षण अस्पताल महाराजगञ्जमा राखिएको छ ।

विप्लवमानसिंहको बयान

२० गते मेरो जन्मदिन थियो । १२ उत्तीर्ण गरेर बिबिएम पढ्न बेंग्लोर जाने तयारीमा रहेकाले यसपालिको बर्थडे मेरा लागि स्पेसल थियो । अबका केही वर्ष घरमा बर्थडे मनाउन नपाइनेजस्तै थियो । त्यसैले साथी र परिवारसँगसँगै जन्मदिन मनाउने मेरो चाहनालाई आमा, बुबा र दाजुले सहमति दिनुभयो ।

जन्मदिन खिचापोखरीको घरमै मनाउन आमा-बुबाले भनेपछि त्यसैको तयारीमा लागेँ । निकट साथीहरू र परिवारका सदस्यका साथमा जन्मदिन मनाउने भनेकाले साथीहरूलाई इन्भाइट गरेँ । पार्टीका लागि सामानहरू परिवारले नै किनेका थिए । पार्टीका लागि बर्थडे केक, जुस, कोल्डडि्रंक्सका साथै हार्डडि्रंक्स गर्नेहरूका लागि सिग्नेचर हि्वस्की राखिएको थियो ।

पार्टीमा सोजी श्रेष्ठ, प्रोशानराज पाण्डे, प्रशंसाराज पाण्डे, शेखर अग्रवाल, सुमन र बेंग्लोर घर भएका अभिजितलाई बोलाएको थिएँ । पार्टीमा आमा, बाबा, दाइ र भाउजू गरी त्यस्तै २५ जनाजति जम्मा भएका थियौँ ।

२०औं जन्मदिनको पार्टीको तयारी भव्य थियो । घरका सदस्य र साथीहरू जम्मा भएपछि बेलुका पार्टी सुरु भयो । मैनबत्ती निभाएर केक काँटेँ । परिवारका सदस्य र साथीहरूले एकै स्वरमा बर्थडेको शुभकामना दिए । केक बाँडेपछि खानपिन सुरु भयो । हाड्रिङकस् गर्नेहरूले हि्वस्की खान थाले । वाइन नखानेहरूका लागि जुस, कोक र फेन्टाको व्यवस्था थियो । म त्यति हार्डडि्रंक्स गर्दिनँथेँ । तर, साथीहरूले कर गरेकाले एक गिलास हि्वस्की पिएँ । पार्टीमा रमाइलो भयो । सबैजनाले निक्कै इन्जोय गरे । बेलुका साढे ११ बजेसम्म नाचगान गरेर रमाइलो गरियो ।

साढे ११ बजेपछि पार्टी सकियो । आफ्नै सवारी भएका साथीहरू घरतिर गए । तीनजना साथीसँग आफ्नो सवारी नभएकाले उनीहरूलाई पुर्‍याउन आमासँग कारको चाबी मागेँ । अनि उनीहरूलाई लिएर साढे ११ बजेतिर घरबाट निस्किएँ ।

कार मैले नै चलाएको थिएँ । कारमा काठमाडौं ओमबहाल घर भएको सोजी श्रेष्ठ, काठमाडौं क्षेत्रपाटी घर भएको शेखर अग्रवाल र बेंग्लोर घर भई अहिले काठमाडौं आएका अभिजित थिए । सोजी मसँगै अगाडि सिटमा बसेको थियो । अन्य साथीहरू पछाडि थिए ।

साथीहरूबीचको सल्लाहअनुसार पहिला क्षेत्रपाटी बस्ने शेखरलाई छोड्ने कुरा भयो । त्यहीअनुसार म घरबाट बा.४प ८०३० को कार निकालेर क्षेत्रपाटी जान हिँडेँ । कारमा साथीहरूसँग रमाइला कुरा भइरहेका थिए । सडक सुनसान थियो । सवारीसाधन फाट्टफुट्ट चलिरहेका थिए । कार त्यस्तै ८०/९० किलोमिटर प्रतिघन्टाको स्पिडमा थियो ।


वीर अस्पताल कटेर केही अगाडि पुगेपछि बायाँ साइडमा बसेको सोजीले मोटरसाइकल आयो भन्यो । कार स्पिडमा भएकाले मोटरसाइकललाई उछिनेर अगाडि बढ्न कारको स्टेरिङ हल्का घुमाएकोजस्तो लागेको थियो । तर, धेरै काटिएछ । झ्याप्प ब्रेक हानेकोजस्तो लाग्छ । कार त फनक्कै घुमेर पछाडिको भाग रेलिङमा गएर ठोक्कियो ।

स्टेरिङ काट्दा त्यहाँ एकजना मात्र देखेको थिएँ । पछि त रेलिङबाट भटाभट मान्छेहरू खसिरहेको देखेँ । उनीहरू रेलिङबाट सडकमा लड्न थालेपछि बल्ल कारले मान्छे हान्यो भन्ने थाहा पाएँ । मान्छेहरू कराउन थाले । मलाई हल्का चोट लाग्यो । म कारबाट बाहिर निस्किएँ र दौडँदै अगाडि गएर ट्याक्सी चढेर ढल्कोमा रहेको साथी सुदीपको घर गएँ । साथीहरूलाई के भयो र उनीहरू कहाँ गए भन्ने थाहा भएन । बुधरबार दिनभर साथीको घरमा लुकेर बसेँ, परिवारसँग सम्पर्क भइरहेको थियो । दाइ र बुबालाई प्रहरीलाई लगेछ, बुबा त छुट्नुभएछ, तर दाइ राति पनि हिरासतमै बस्नुभयो । प्रहरीले फोन गरेर आत्मसमर्पण गर अन्यथा खतरा छ भनेपछि आत्मसमर्पण गर्न आएको हुँ।

श्रोत : नयाँ पत्रिका


बाँकी अंश.....

Thursday, July 23

मेरिना डिस्टिङ्सन् !

केपी ढुंगाना
ख्याति हत्याकाण्डकी सहअभियुक्त मेरिना शाक्यले एसएलसीमा ल्याइन् ८६.८७ प्रतिशत
याँ पत्रिकाकाठमाडौं, १८ असारआइतबार एलएलसी रिजल्ट आउँदा तीन लाख ८८ हजार विद्यार्थी अभिभावकसँगै बसेर रिजल्ट सुन्न ब्यग्र थिए, एउटी किशोरी हिरासतमा । सानोतिनो मुद्दामा होइन, आफ्नै उमेरकी किशोरी ख्याति श्रेष्ठको अपहरण, बलात्कार र हत्याको मतियारको रूपमा पक्राउ परेकी मेरिना शाक्यका साथीहरूले खबर सुनाए, 'तिमी ८६.८७ प्रतिशतका साथ डिक्स्टिङ्सनमा पास भएकी छौ ।'
विद्यालयमा उनको प्रतिभा देखेर नेपालस्थित अमेरिकी दूतावासले राष्ट्रपति बाराक ओबामाको नीतिका बारेमा विश्लेषण गर्ने विद्यार्थी समूहको सदस्य चयन गरेको थियो ।

प्रहरी स्रोतका अनुसार एसएलसीको रिजल्ट आएको समाचार सार्वजनिक भएदेखि नै मेरिना शाक्य हिरासतभित्र छटपटाइरहेकी थिइन् । तर, सोमबार बिहान साथी र परिवारका सदस्यले उनको रिजल्ट सुनाए, 'उनी खुसीले बुर्लुक्क उफ्रिइन् ।' ०३२३४२८ एन सिम्बोल नम्बरकी मेरिना आठ सय पूर्णांकमा ६ सय ९५ ल्याएर उत्तीर्ण भएकी छिन् । उनले कम्प्युटर र ऐच्छिक गणितमा सबैभन्दा धेरै ९६ नम्बर ल्याएकी छिन् । सबैभन्दा कम नम्बर अनिवार्य नेपालीमा आएको छ- ७२ । उनले अनिवार्य अंग्रेजीमा ८९, गणितमा ८४, विज्ञानमा ८८, सामाजिक शिक्षामा ८१, स्वास्थ्य र वातावरणमा ८९ ल्याएकी छिन् ।मेरिना जो गम्भीर अपराधकी मतियार बनिन्, विद्यालयमा उनको प्रतिभा देखेर नेपालस्थित अमेरिकी दूतावासले राष्ट्रपति बाराक ओबामाको नीतिका बारेमा विश्लेषण गर्ने विद्यार्थी समूहको सदस्य चयन गरेको थियो । तर, ओबामाको भाषण सुनेर विश्लेषण गर्नुअगाडि नै उनी पक्राउ परिन् ।
१९ वर्षीया ख्याति श्रेष्ठको अपहरण र हत्यामा मतियार बनेको अभियोगमा ६ असारदेखि उनी प्रहरी हिरासतमा छिन् । एभिएम विद्यालयबाट एसएलसी दिएर बि्रजकोर्स गर्दागर्दै आफ्नै शिक्षक वीरेन श्रेष्ठसँग मिलेर पुतलीसडकबाट खुसिबु टाउनप्लानिङसम्म ख्यातिलाई ल्याउन उनले सहयोग गरेको अभियोगमा महानगरीय प्रहरी परिसर काठमाडौंले हिरासतमा राखेर उनीमाथि अनुसन्धान गरिरहेको छ । वीरेन उनी अध्यनरत एभिएम विद्यालयका विज्ञान शिक्षक थिए । मेरिनाले २२ जेठमा ख्यातिलाई एक पत्रिकामा अन्तर्वार्ताका लागि भनेर बोलाएर झुक्याउँदै वीरेनको खुसिबुमा रहेको कोठामा पुर्‍याएकी थिइन् जहाँ वीरेनले ख्यातिको हत्या गरेका थिए ।महानगरीय प्रहरी परिसर हनुमानढोकाको हिरासतमा रहेकी मेरिनाको प्रतिभा देखेर प्रहरी अधिकृतहरूसमेत छक्क छन् । मेरिनाको बारेका महानगरीय प्रहरी परिसरका प्रमुख नवराज सिलवालको निष्कर्ष छ, 'दियर इज नो दाउट, सी इज भेरी ट्यालेन्टेड एन्ड भेरी क्लेभर ।' प्रतिभावान भए पनि अपराधमा लाग्दा उनी कमसेकम पाँच वर्ष जेल पर्ने छिन् । प्रहरीले उनीमाथि अपहरण र हत्याको मतियारको अभियोगमा मुद्दा चलाउने तयारी गरेको छ । मेरिना मुख्य सहयोगीअनुसन्धानको प्रारम्भमा ख्यातिको अपहरण र हत्याका अभियुक्त वीरेन श्रेष्ठले १६ वर्षीया मेरिनालाई ख्यातिको अपहरणका लागि सहयोगीको रूपमा उपयोग गरेका थिए । मेरिना ख्यातिको अपहरण, हत्या र उनको लास व्यवस्थापनमा प्रत्यक्ष संलग्न रहेको पुष्टि भएको छ । अनुसन्धानमा संलग्न प्रहरी मेरिना जस्तो देखिन्छिन्, उनले त्यो भन्दा खतरनाक भूमिका खेलेको निष्कर्षमा पुगेका छन् ।कक्षा नौदेखि नै वीरेन र मेरिना निकट रहेकाले वीरेनले धम्क्याएर उनलाई अपराधमा प्रयोग गरेको प्रहरीको प्रारम्भिक अनुमान थियो । प्रारम्भिक बयानमा मेरिनाले पुतलीसडकबाट ट्याक्सीमा हालेर ख्यातिलाई खुसिबु टाउन प्लानिङमा रहेको वीरेनको कोठामा पुर्‍याएर आफू फर्किएको दाबी गरेकी थिइन् । प्रहरीले मेरिनाको उमेर हेरेर उनी परिबन्दमा परेर अपराधमा संलग्न रहेको निष्कर्ष निकालको थियो । जब प्रहरीले वीरेनले ख्यातिको परिवारसँग लिएको फिरौती रकममध्ये तीन लाख ५० हजार उनको कोठामा भेट्यो तब मेरिनामाथि थप अनुसन्धान भएको थियो । वीरेनले पटकैपिच्छे बयान फेरेर प्रहरीलाई हैरान बनाए पनि पछिल्लो चरणमा मेरिना र वीरेनको बयान समान भएकाले प्रहरीले पछिल्लो बयानलाई बढी विश्वसनीय मानेको छ ।अनुसन्धानबाट २३ जेठ बिहान १० बजेदेखि ११ बजेभित्र ख्यातिको मृत्यु भएको खुलेको छ । प्रारम्भमा उनको मृत्यु एनेस्थेसियाको अत्यधिक प्रयोगबाट भएको प्रहरीको दाबी थियो । प्रहरी महानिरीक्षक रमेश चन्द ठकुरीले समेत ख्यातिको मृत्यु बेहोस बनाउन प्रयोग गरिने एनेस्थेसियाको अत्यधिक प्रयोगबाट भएको दाबी गरेका थिए ।तर, पछिल्लो सोधपुछबाट वीरेनले ख्यातिलाई कफी र स्लाइसमा निद्रा लगाउन प्रयोग गरिने एनजिट नामक औषधि ख्याएर लठ्ठ बनाएपछि टाउकोमा फलामे रडले हानेर हत्या गरेको रहस्य खुलेको छ । स्रोतका अनुसार स्लाइस पिएको केही समयपछि ख्यातिले निद्रा लाग्यो भनेपछि वीरेनले कोठामा रहेको सानो खाटमा सुत्न भनेका थिए । औषधिको असरले लठ्ठिएर ख्याति खाटमा सुतेपछि वीरेनले उनको हातखुट्टा बाँधेर मुखमा टेप लगाउने प्रयास गर्दा उनी कराउन थालिन् । ख्याति कराउन थालेपछि आत्तिएका वीरेनले टेबलमा रहेको फलामको रड निकालेर टाउकोमा हानेका थिए । रडले हान्दा पनि ख्याति कराउन नछाडेपछि वीरेनले दुवै हातले घाँटी र मुखमा जोडले थिचेपछि ख्याति बेहोस भएकी थिइन् । ख्यातिको अपहरण गरेको रात मेरिना वीरेनकै कोठामा बसेकोसमेत अनुसन्धानबाट खुलेको छ । बिहान उठेपछि वीरेनले ख्यातिलाई झक्झक्याएर उठाउने प्रयास गरेका थिए । तर, ख्यातिले कुनै प्रतिक्रिया नै जनाइनन् । आत्तिएका वीरेनले नाक र मुखमा श्वास-प्रश्वास परीक्षण गरे । हातको नाडी र छातीमा मुटुको चाल हेरे । तर, कुनै चाल आएन । दुवैले ख्यातिको मृत्यु भएको निष्कर्ष निकाले ।ख्यातिको मृत्यु भएपछि वीरेन उनको लास कसरी ठेगान लगाउने भन्ने योजनामा लागे । आफ्नै आँखाअगाडि हत्या भएको देखेकी मेरिनाले पटक-पटक घर जान्छु भनेपछि वीरेनले नै उनलाई मोटरसाइकलमा हालेर करिब १२ बजेतिर घरमा छोडेका थिए । भोलिपल्ट २३ जेठ बेलुका पनि मेरिना वीरेनको कोठामा गएकी थिइन् । दुवै मिलेर ख्यातिको लास तह लगाउने प्रयास गरेका थिए । मेरिनासँग बेडरुमबाट तन्ना मगाएर वीरेनले लास बाँध्नु अगाडि कतै सास चलिरहेको छ कि भनेर पुनः जाँचेका थिए । वीरेनले ख्यातिको सिंगै लास फाल्ने प्रयास गरेका थिए । उनले २ दिनसम्म ख्यातिको लास कोठामा राखेर पटक-पटक सिंगो लास कोठाबाट बाहिर ल्याउने प्रयास गरेका थिए । तर, एक्लै सिंगो लास तह लगाउन नसकिने भएपछि उनले लास टुक्र्याएका थिए । उनले जसरी ख्यातिको लास काटेका छन् त्यो कटाइ देखेर व्यावसायिक चिकित्सकसमेत चकित परेका छन् । उनले ख्यातिको शरीरबाट हात, खुट्टा र टाउको छुट्याउन हड्डी नफुटाई कुशलतापूर्वक शरीरका ज्वाइनहरू खुस्काएका थिए । उनले ख्यातिको लास टुक्र्याएर कोठामा राखेका थिए । लास गन्हाउने डरले उनले कोठामा धुप बालेर लासमाथि पफ्र्युमसमेत छरेका थिए । सुरुमा उनले लासबाट हातखुट्टा मात्र छुट्याएका थिए । लास गन्हाउन थालेपछि उनले साबुनपानीले लास धोएका थिए । लास धुन र प्लास्टिकमा प्याकिङ गर्न मेरिनाले वीरेनलाई सहयोग गरेकी थिइन् । ख्याति अपहरणमा परेको पाँचौँ दिन बिहान वीरेनले ट्याक्सीमा हालेर उनको गिंड ललितपुरको सैबु गाविसको खोंचमा फालेका थिए भने सोही दिन दिउँसो हात र खुट्टाका टुक्रा माइक्रोबसको छतमा राखेर चितवनको कविलास गाविस- २ नारायणगढ-मुग्लिन सडकखण्डको १७ किलोमा फालेका थिए ।कोठामा लास राखेर वीरेन दैनिक आफ्नै कोठामा बस्थे भने मेरिनासमेत वेलावेलामा उनको कोठामा आइरहन्थिन् । उनले छैटौँ दिन माइक्रोमा चढेर काठमाडौंको गोलढुंगामा रहेको मुड्खुको झाडीमा ख्यातिको टाउको फालेका थिए । वीरेनले हरेक दिन मेरिनालाई फोन गरेर मेरिनाले सो घटनाको बारेका कसैलाई भनेको छ कि भनेर सोधपुछ गर्ने गरेका थिए । ख्यातिको हत्या गरी लास फालिसकेपछि उनले ख्यातिको परिवारसँग फिरौती माग गर्न मेरिनाको प्रयोग गरेका थिए । उनले मेरिनालाई फोन गरेर तीनवटा एसएमएसको भाषा टिपाएर ख्यातिको परिवारलाई पठाउन लगाएका थिए ।


साभार: नया पत्रिका


बाँकी अंश.....
Related Posts with Thumbnails